November 17, 2010

22 WEKE


Somer het uiteindelik aangebreek en dalk bly dit vir 'n dag of twee:) Hier op ons deel van die California kus waar dit al laat herfs is ervaar ons nou eers regtig somer. Ek en jy het Sondag saam met die wonderlike en unieke "Swim-Pod" gaan kuier by China Beach en krap (daai oggend deur Matt gevang) ge-eet van die kole af en toe lekker in die see geswem. Met die warm son was die koue water gladnie erg nie, dit was fantasties. Ek is so lief vir die son! In die laaste week het jy skielik begin beweeg en voel-voel binne my, en dit laat my elke keer glimlag wanneer ek jou ligte aanpor voel. My hart klop vinnig van opgewondenheid deesdae. Gisteraand in my Drama/Sang klas kon ek nie my hart laat bedaar nie, en jou warm teenwoordigheid was baie klaarblyklik en prominent. Ek het so idee dat jy van musiek hou, wie van ons doen nie! Soos iemand gister kwyt raak god is musiek, ons ware essence as mens word uitgebeeld deur musiek.

Ek en Ryan het onder die half maan heerlik op die strand gaan stap nou die aand en die branders het soos 'n lafenis oor al ons besorgdhede geval. Daar is 'n oorweldigende gevoel van warm dankbaarheid vir al ons seeninge. Jy is die wonderlikste seening engel, noe-noe kind.

Ek kan nie wag om eendag hierdie deel van paradys met jou te kom deel nie, gister toe ek saam met Eli, my ander boetie op Baker beach gaan stap slaan die skoonheid van die land my weer weg en terwyl ek in die huis werk en saam met Patience(ons swartste kat) op my stoel sit en koer en uitkyk op my boom met sy inwoner Hummingbird(Kolibrie), weet ek ons het 'n baie spesiale nessie hier geskrop met goeie vriende reg langs ons as bure. 'n Warm son en die lig wat dit bring laat my altyd met liefde na die dag en lewe kyk.
Ons sien uit om ons dae met jou te deel, darling meisie!
Lief vir jou ...

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram