Monthly Archives: March 2011

39/ 40 WEKE


Ek sit hier op die vooraand van jou beplande datum wat jy veronderstel is om te arriveer, maar engel jy sal aankom wanneer jy reg is, en vir een of ander rede het ek ‘n gevoel dis nie more nie.
Jou Ouma is hier, jou bed is gemaak en ons het tot ‘n bad reg vir jou. Ek kan voel jy is beknop en beweging raak moeilik, so weet net jy is welkom om jou pad uit te maak nes jy reg voel. Patience is baie sag en lieflik met my en dis asof julle twee ‘n gesprek voer, dis baie fassinerend en ek kan vir ure lank so saam met julle le en chat. Almal is verskriklik opgewonde en vra uit oor jou koms en die liefde en besorgdheid is merkwaardig.
Om die week op die regte noot te begin het ons heerlik by die yoga center hier in die dorp gaan mediteer terwyl hulle wonderlike sound energie healing musiek gemaak het met Tibetaanse bowls en allerhande chimes en wonderlike klanke wat ons kans gegee het om sommer net in die oomblik heerlik saam te ontspan en jou aan die klanke van die wereld bloot te stel.
Dankie vir ‘n heerlike journey saam met jou die laaste tien maande. Ek het my lyf op ‘n nuwe manier leer waardeer en die wereld herondek. Ek het elke oomblik werklik geniet, want met jou wat groei hier binne my maak dit sin, die ongemaklike en soms onverklaarbare. Ek het so baie geleer, dinge wat ek miskien intelektueel verstaan het maar nooit werklik uit geleef het nie. Ek voel of jy my forseer het om werklik vir die eerste keer betrokke en ten volle teenwoordig te wees in die oomblik. Ek het in my drome saam met jou geleer vlieg en die liefde tussen my en jou pa het gegroei op ‘n manier wat my oe laat glinster en my uit my maag laat lag…En nou is ek baie opgewonde vir hierdie volgende fase van jou ken en beleef.
Al ons liefde… Thank you Chris Kirby for these awesome pictures!! criskirby.com

Advertisements

Leave a comment

Filed under Uncategorized

38 WEKE

Die magic is orals waar ons kyk en loop en die tekens dat jy iets spesiaals bring is onmisbaar!My liefste Noe-Noe kind. Ek is seker jy moet voel en weet hoe geliefd jy is oor die wereld, van die suide van Afrika tot in die ooste en weste van Amerika. Ek is weer die week oorweldig deur die ongelooflike ondersteuning en liefde wat ek en jy beleef deur die tyd. Ek is bang tot ek onthou hoe ons as spesie dit al vir eeue doen en nie hier sou wees sonder die ingebore wete van hoe om nuwe lewe te skep nie. En met al die liefde wat ons omring en die gemeenskap wat reg is om jou te verwelkom kan ek nie help om my skouers te laat sak en diep asem te haal en te glimlag oor die gebeurtenis in ons lewe nie.

Ons behoort aan ‘n baie spesiale gemeenskap van vroue wat jou in hulle liefde en wysheid wil omvou engel. Hierdie week het ons saam met die CiA girls jou koms geseen met ons ritueel en liefde.Jou twee “Aunties” Kim en Amy het saam met Grandma Terrie ‘n heerlike samekoms gereel, almal van die gemeenskap het opgedaag om jou koms te vier en seker te maak jy het als wat jy kan nodig he om gemaklik te wees. So nes dit ons Brown Huffman genootskap betaam vier ons die gedagte en wete van jou sommer ‘n paar keer oor. Ons hou van partytjie en fees vier en daar is nie ‘n beter rede om fees te vier as die gedagte dat ons familie verryk word deur jou nie.
Ons het ook oulike fotos geneem van ons en jou in die magie, om die tyd van verandering te onthou. Om die fotos te geniet gaan kyk die talentvolle Chris te foto blog by http://www.chriskirby.com
Jou Ouma Salome kom die week en ek hoop net jy hou en broei lekker in my maag tot sy land en hier kan wees om jou te sien aankom.
Ek is rustig en maak nou jou kamer reg, en jou pa bou jou bed, so ons is amper reg vir jou.
Baie liefde jou ma…

Leave a comment

Filed under Uncategorized

37 WEKE


Ek sit in ons kombuis en kry lekker. Dis al hoe meer huis en ons is omring deur bekende prente en die chaos waaraan ons gewoond is. Die projek vir die week is fotos en jou goeters engel.
Ek het groot rustigheid in my hart oor jou koms en is nou meer opgewonde as enige iets anders. Ons het ‘n doula wat gaan bystaan sodat jy op jou tyd en manier die wereld kan inkom sonder te veel mediese inmenging. Ek staan verbaas oor die kuns en ‘magic’ van hierdie reis wat nou amper op ‘n einde en sy grootste transformasie staan. Ek is mal oor my maag en oor jou manevales. Ek kan tot die slaaplose nagte verdra.Ek kan voel hoe jy reg skuif om op die gemaklikste manier uit te kom. Ek vertrou die proses en vir jou en my. Ek voel of ons regtig op die regte plek in die regte oomblik is en asof als maar altyd gaan gebeur soos dit wil of ons nou probeer of nie, ek leer deur die proses die ware kuns van wees, om oomblik tot oomblik betrokke en beskikbaar te bly. Dis makliker gese as gedaan en al wat ek regtig weet is:”verwag die onverwagte”.
…en dat ek verskriklik lief is vir jou en jou pa!

Leave a comment

Filed under Uncategorized

36 WEKE

Dis Maart en die weke gaan nou vinnig, ek sukkel om by te hou. Ek en jou pa het ons vyf jaar huweliks herdekking gevier die 25ste. Vyf ongelooflike jare van avontuur en grootword, jare vol liefde en passie en onophoudelike feesviering. Die jaar vier ons groot verandering en sien ons uit na jou koms Noe-noe kind! Ek pak uit en hang fotos, soek meubels, beleef ons nuwe omgewing, stadig maar seker. Ek moet weer van voor af leer waar le noord en suid om my pad te vind. Ek wil vir seker my voete meer in die lug kry en kry minder en minder gedoen op ‘n dag voor ek sommer net wil niks doen nie en net staar na die blare op die boom. Dis ‘n les om maar te luister as die lyf praat, want vir eens het die kop maar min of eintlik geen se nie.Ons was die naweek by ons geboorte klasse, om te leer oor wat om te verwag met jou koms. Ek hoop om die oorgang in die wereld vir jou so gemaklik as moontlik te maak engel, kom jy soos jy wil, ek leer nou al vir maande hoe om meer buigsaam te wees met my verwagtinge van hoe dinge moet gebeur, my lyf voel gesond en sterk en jy is gesond en dis al wat saak maak my lief. Ek hoop vir jou ‘n geboorte ervaring vol lig, liefde en warmte, vinnig en gemaklik. Ek sien uit om jou in lewende lywe te ontmoet en om die wereld met jou te deel. Ons sal maar so saam saam leer hoe, waar, wat en wanneer.

1 Comment

Filed under Uncategorized